طريقة عمل الحواوشي

السلام عليكم ورحمة الله وبركاته
اسم أكلتى اهو حواوشي اسم غريب صح بس هذا اسمها بالمصري بس معروفه عندنا
بالعرايس يمكن الحين عرفتوها
هذى طريقتها سهله حيل اخذتها من وحده مصريه الله يذكرها بالخير
المقادير
1- لحم مفروم
2- بصل مفروم
3- بقدونس مفروم
4- فص ثوم مفروم
5- طماطم مفروم
6- بهارات + ملح
7- خبز مصري
الخطوات
أول شي تخلطين كل المقادير مع بعض ماعدا الخبز المصري طبعا وتحطينها فى حافظة
للأكل وتخلينها بالثلاجة مدة ثلاث ساعات تقريبا والأحسن ست ساعات كل ماطولت صارت
أحسن بالطعم وأسرع بالنضج
وبعدين تقصين الخبز المصري بالنص وتحطين داخله الحشو
وبعدين تغلفين كل قطعه بقصدير وتحطينها بالفرن وتقلبينها بين فترة والثانية
مدة ربع ساعه تقريبا لين تنضج وتقدمينها مع البطاطا المقلية والسلطة الى تحبينها

وعليكم بالعافيه