طريقة عمل الزبيب بالمنزل

اقترب شهر رمضان اعتق الله رقابنا فيه وجميع رقاب المسلمين من النار آمين
و من المعروف انه يزداد استهلاك الزبيب فى هذا الشهر عن غيره
لذا احببت ان اقول لكم طريقة عمله بالمنزل و هى مجربة و مضمونة بإذن الله



هاتى عنب بناتى ( اللى هو بدون بذر للى متعرفش كلمة بناتى ) متماسك الحبة ولونه اصفر حتى يكون الزبيب ذهبى و ليس بنى

اغسليه بدون ما تفرطيه اى يظل بعناقيده

اغلى كمية من الماء و ضعى فيها عصير ليمون أو كمية قليلة جدا من البوتاس ( هيدروكسيد بوتاسيوم ) أو كمية قليلة جدا من بنزوات الصوديوم أو كمية قليلة من الكربوناتو ( بيكربونات الصوديوم ) ثم ضعى فى الماء المغلى هذا عناقيد العنب و اغمريها فى الماء لمدة دقيقتين او ثلاث فقط ثم انشليها من الماء بحذر حتى لا تتفرط
لو عندك المصفى الشبكة اللى بتحطي فيها البطاطس علشان تقليها فى الزيت ( اللى بتشيلى بيها البطاطس المقلية يعنى ) ضعى فيها العنب ثم ضعيها لمدة دقيقة فى الماء المغلى و شليها و هذه المصفة علشان تضمنى عدم تفريط العنب و لو اتفرط شئ مش مشكلة


ثم ضع العناقيد فى الشمس لمدة اسبوع او كام يوم حسب درجة الجو مع التقليب المستمر للعناقيد حتى تحصلى على الزبيب ثم فرطيه من العناقيد وضعيه فى كيس فى الثلاجة للإستعمال و بالهنا و الشفا و ابقى ادعى لى

طريقة اخرى:

يغسل العنب جيدا ويفرط واحده واحده وينقى.
2 يجهز اناء فيه ماء يغلى كافى لغمر العنب.
3 تضاف نقط من الزيت وقليل من بنزوات الصوديوم
الى الماء{جرام بنزوات لكل كج عنب}
4 يغمر العنب فى الماء المغلى ويترك فى درجه الغليان
لمده 3دقائق.
5 يرفع من الماء ويترك ليصفى وتهدا درجه حرارته نوعا.
6 ينشر العنب فى مكان متجدد الهواء بعيدا عن الشمس حتى يجف.
7 يعبا فى برطمانات نظيفه ومعقمه لحين الاستعمال.