طبق السمك المشوي

السلام عليكم ورحمة الله وبركاتة



السمك المشوي...



المقادير:- 1- كيلو سمك من اي نوع تفضليه
منظف وجاهز للعمل.





2- طماطم حمرا جامده شويه


3-بقدونس
4-ليمون +ملح حسب الحاجه
5- ثوم +كمون +بهارات السمك



الطريقه :-تضعي الليمون والملح والكمون والبهار في طبق
وحركيه خالص.


احضري السمك وبطرف السكينه غزغزي السمك حتى
يبقى عندك فيه فتحات صغيره.
وبالمعلقه ارفعي الخليط السابق ورشي السمكه بالخليط
وبالفتحات كمان . نفس الطريقه لغايه ميخلص السمك
اتركيه بالطبق لغايه نصف ساعه حتي يشرب كل الخليط
احضري الطماطم وقطعيها 2 بوصه واحضري البقدونس
افرميه ناعم وضعيه عليه ثم قليل من مبشور الثوم
وقليل من الليمون والملح ايضا حسب الحاجه .
صفطي السمك بصينيه الفرن وضعي عليها الطماطم مع المكونات في درجه حراره 175 درجه.
انا شخصيا افضل السمك المشوي على المروحه لوحده
اي مروحه الفرن وتكون حرارتها لنفس الدرجه اعلاه .
اتركيه بالفرن ساعه الا ربع او حسب انت ما تشوفي .
اخرجيه بعد ذلك من الفرن.



احضري طبق بيضاوي كبير , وضعي عليه اوراق الخس بالحجم الكبير ( مغسوله طبعا )


وضعي السمك بترتيب واحده جنب التانيه بطريقه عكسيه( للمظهر )
اما ما تبقى من الخضار او الطماطم في الصينيه فضعيها في طبق مجور عشان الصلصه.
احضري ليمون وقطعيه بقشره دوائر وزيني جسم السمكه بيه . وقليل من البقدونس ضعيه
في فم كل سمكه مع حبات الزيتزن في عيون السمك ( لجمال المظهر وللشهيه )
وقدميه للحبايب مع سلطات متنوعه مما تفضلي .
انا شخصيا مع ده بستعمل سلطه الجزر والمايونيز والذره الاصفر + سلطه الخس والثوم والليمون.
وصحتين والف الف الف هنا على قلوبكم البيضا.
اذا ما عجبكوش قولوا بصراحه والله ما حزعل ابدا.
وحدى يزعل من اخواته؟؟؟؟؟؟؟؟؟؟؟؟؟؟؟؟؟؟؟؟؟؟؟